Adriano Correia de Oliveira: 80 anos de vida e obra nunha mostra e concerto homenaxe

A Facultade de Filoloxía celebra a inauguración da mostra 'Adriano 80. Vida e obra. 80 anos do nascimento de Adriano Correia de Oliveira', un evento que conmemora a figura dun dos máis emblemáticos cantores de intervención portugueses, coincidindo coa celebración do 25 de abril, Día da Liberdade. O acto contará coa presenza de Silvestre Lacerda, e será amenizado polas actuacións musicais de Miguel Calhaz e Manuel Rocha. A exposición propón un percorrido pola vida e a obra de Adriano Correia de Oliveira, desde a súa infancia e mocidade nas loitas estudantís, pasando polos anos de resistencia e clandestinidade, até a evolución da súa música, fondamente enraizada na poesía e nas tradicións populares de Portugal e doutros pobos do mundo.