Mala vida e pior morte de Ricardo III

Espectáculo unipersonal protagonizado por Evaristo Calvo no que a través dun monólogo dirixido á audiencia, o personaxe do defunto rei Ricardo III de Inglaterra argumenta en contra do relato dos derradeiros anos da súa vida que Shakespeare deixou trazado no drama “A vida e a morte do rei Ricardo III”. Unha revisión en clave de humor do Ricardo III de Shakespeare dentro do ciclo 'Clásicas desfeitas'. A obra confronta o retrato de tirano cruel e asasino da traxedia shakespeariana coa figura histórica do monarca inglés.