Congreso de Etoloxía Clínica

Descripción

O IX Congreso de Etoloxía Clínica desenvolverase na Facultade de Veterinaria de Lugo do 15 ao 16 de marzo. Está organizado polo Grupo Universitario de Etología Clínica Aplicada da Universidade de Santiago de Compostela. O foro diríxese a estudantes e profesionais do eido veterinario, pero tamén está aberto a calquera persoa interesada na Medicina do Comportamento. No congreso abordaranse cuestións como a relación entre problemas médicos e de comportamento no can e a importancia da dor, o exame neurolóxico en pacientes con alteracións da conduta, ou os vínculos entre comportamento, epilepsia e microbiota. Tamén se tratarán temas como a relación entre esterilización e comportamento, problemas médicos e de comportamento felino, furóns, cetáceos, e casos clínicos.