Camiño de Santiago Ruta do Pai Sarmiento

O Departamento de Deportes do Concello de Betanzos organiza unha nova edición de roteiros de sendeirismo, que este ano será o Camiño de Santiago Ruta do Pai Sarmiento, un fermoso percorrido duns 200 km polas costas do Salnés e da ría de Arousa, desde Pontevedra a Santiago de Compostela. Farase en diez etapas, de entre 16 e 22 km e de dificultade en xeral baixa, agás algún treito con algo máis de dificultade polas costas a subir e baixar. As persoas interesadas en participar poden inscribirse na páxina web do Concello de Betanzos en www.novas.betanzos.gal a partir das 10:00 h do luns 28 de abril. Serán 100 prazas que se cubrirán por orde de inscrición, con preferencia para as persoas empadroadas no Concello de Betanzos, e a admisión e participación terá que ser confirmada polo Departamento de Deportes. Os/as menores de idade terán que ir acompañados/as dunha persoa adulta responsable.