CEMIT de Betanzos organiza novas actividades para o mes de maio

Descripción

A Aula CeMIT do Concello de Betanzos organiza diversas actividades formativas durante o mes de maio. Entre elas, destaca o curso “Itinerario de emprego” que se celebrará os días 6, 9, 13, 16, 20, 23, 27, 30 de maio e 3 e 6 de xuño, en horario de 10:00 a 13:00 horas. Este curso está dirixido á poboación feminina que se atope en situación de desemprego, sen experiencia laboral, maiores de 45 anos, mulleres de familias monoparentais e/ou residentes no rural. Tamén se celebrará o 26 de maio o exame “Exame de teleformación EMA” dirixido á poboación en xeral que previamente finalizara o curso de teleformación na plataforma EMA, en horario de 09:00 a 10:00 horas. Ademais, o 28 de maio terá lugar o obradoiro “A administración cerca de ti” dirixido ás asociacións do Concello de Betanzos, en horario de 11:00 a 13:00 horas.