Vinde todas. Concerto de Carmela na Coruña

A cantora, gaiteira e investigadora Carme López Fernández presenta o seu primeiro disco, 'Vinde todas', un reflexo da tradición máis pura de Galicia. Carme pon ás mulleres informantes en primeiro plano, reivindicando a súa relevancia na tradición oral. Cada canción leva o nome da ou das mulleres de referencia na aprendizaxe das melodías. 'Vinde todas' é un acto de memoria e unha declaración política, mostrando a música como vehículo de transformación social. Acompañada por Sara Méndez (saxofón) e Camile Hedouin (sintetizadores), achega as sonoridades tradicionais á música contemporánea. O concerto é de balde e forma parte do programa Agra no Ágora.