Encontros sobre patrimonio construido: Reflexións sobre a condición moderna

Os Encontros sobre patrimonio construído nacen da colaboración entre a Escola Técnica Superior de Arquitectura da Universidade da Coruña (ETSAC-UDC) e o Grupo de Investigación e Desenvolvemento en Artes e Humanidades da Universidade de Santiago de Compostela (USC‐IDEAHS). Neste primeiro encontro, que se celebrará o día 4 de abril de 2025 no Museo de Belas Artes da Coruña, abordarase a cuestión da intervención sobre o patrimonio construído como parte da creatividade e a evolución da arquitectura moderna e contemporánea, con énfase nas mudanzas disciplinares, o protagonismo historiográfico deste tipo de traballos e o estudo de casos no marco galego, portugués e estatal.